A Stückl Herrgott

Schlog i mei Bibel ganz vorn auf,
woaß i woher i kimm.
Da Adam is da Stammvata,
so steht es wörtli drin.

Hob i dann aufpasst in da Schui
im Fach Biologie,
do hot da Darwin frech behaupt,
mia zähln zum Affenvieh.

A Weiberleit hot im Labor
jetzt den Beweis erbracht,
aus Glutbrei, Gas und Meerwasser
sei unsa Leben gemacht.

Wo hot sie de Erkenntnis her,
de ihra Arbat gibt an Sinn?
So ebbs stammt net vom Wasser raus,
da Geist steckt in uns drin.

As Lem alloa nützt mir net vui,
es dauert aa net lang,
a Stückl Herrgott möchte i sei
für ewig - in Gotts Nam.

Hans Lehrer