Bleib im Land

Im Land, wo d’Minarette wachsn
und d’Leit Sandoin trong an de Haxn
wo’s 40 Grod Hitz im Schattn hot
und Lärm und Schtaub i net vatrog,
hob i den großn Fehla g’macht
und meinen Urlaub dort vabracht.

Zusammen mit meim Ehewei
bin i obi in d’Türkei.
Olle Häusa ham sechs Stöck
 zuabaut is a jeda Fleck.
Jeda schpecht do auf dei Geld
wannst wos kaafst, bist doppet prellt.

Liegst neipfercht du am Meeresstrand
dann denkst gern an dei Hoamatland
de guate Luft, de herrlich Ruah
treim di boid wieda hoamwärts zua.
Mogs do aa renga oda schneim
konn mi vo dort nix mehr vatreim.

Hans Lehrer