Dahoam

Mei Muattasprach', mei Vattahaus'
de macha bei mia d'Hoamat aus.
Mei Straß', mei Stod, mei boarisch Land,
dazu mei schönstes Trachteng'wand
geb'n mia des Gfui, i bi dahoam
in Trudering bei Berg-am-Loam.

Dort hob' i meine Wurzln g'schlong
und wenn mi d'Leit aa manchmoi frong
wo i am liabstn wohna daat,
hob i mei Antwort glei parat;
"dahoam" sog i, bei meine Leit
wo s'Leb'n mi do am meisten gefreit.

Hans Lehrer