Mei Muatta

Mei Muatta war oane vom oidn Schlog
hod g'werglt und g'arbat ihra Lebtog,
is ihr nix geschenkt worn im hart'n Lem
wos kunnt'n zwoa Weltkriag ihr aa scho hom gem?

Zwoamoi is ihra s'Geld hi worn
hod wieda og'fanga ganz von vorn.
Am Vata war's Bier oft liaba wia sie
ganz glückli war's nia mit dera Partie

Wia i kemma bin war's scho 46 Johr.
Kennt hob i's nur mit de graua Hoor.
Sie hot mia d'Liab zur Hoamat eipflanzt,
Sie hot mia aa zoagt, wia ma an Zwiefachn danzt,

wia ma jodelt, wia ma singt, wia ma woant, wia ma lacht,
ja - des ois hot mia mei Muatta beibracht.
Dass i jetzt a zünftiger Trachtler worn bin,
des liegat so recht aa in ihrem Sinn.

Hans Lehrer


Hans Lehrer · 08.04.2003

Alle Bilder und Texte auf diesen Seiten sind urheberrechtlich geschützt.
Nachdruck auch auszugsweise nur mit Genehmigung des Verfassers.